انا الذي في داخلي يصرخ الشوق
. . . . عــزاللـقــا يا بنت الاجواد ويـنـــك





كتبت لك شوقي على صدر محروق
. . . . حــرف الوفا وحروف باقي تزيـنـك





وينك تعالي فالهوى كلي اسبوق
. . . . اطير في دنيا وسيعــــه بعـيـنــك





إلك عليه حقٍ ولي عندك احقوق
. . . . وعندي من اشهود العنا ما يديـنـك





والله ماغيرك سكن داخل الموق
. . . . حبك رسمته في عيوني بزيـنــك





حبر القلم يكتب لك الحب منطوق
. . . . حب الوفا يصرخ يداري حنـيـنــك





ونيت بالوَنه على كل طاروق
. . . . هـذا الـذي جـنـت عـليـه يـدينـك





واحيان ودي من حلى الحلم ما فوق
. . . . من قسوتك يسري بالأحلام لينـك





حلفت لك ماغير حبك لنا ذوق
. . . . مـدام أنا حق أنكتب في جبينـك